- विकेटनेपाल, १४ साउन
भारतीय कप्तान बिराट कोहलीले श्रीलंकासंग जारि टेस्ट सिरिज अन्तर्गत पहिलो टेस्टमा शतकीय १०३ रनको पारि खेल्नेक्रममा टिमलाई जित मात्रै दिलाएनन् आफुलाई क्रिकेटको तिन वटै फर्म्याटमा उत्कृस्ट समेत साबित गरेका छन् l
कोहली त्यस्तो ब्याट्सम्यान बनेका छन् जसको ब्याटिंग औसत क्रिकेटको ३ वटै फर्म्याट टेस्ट, एकदिवसीय र टि-२० मा ५० भन्दा माथि रहेको छ l तिनवटै फर्म्याटमा यो औसत बिश्व क्रिकेटमा कुनै पनि ब्याट्सम्यानको छैन l
श्रीलंकासंग अविजित शतकपछि कोहलीले टेस्ट औसतमा सुधार गर्दै ५०.०३ पुर्याएका छन् भने एकदिवसीयमा उनको औसत ५४.६८ तथा टि-२० मा उनको औसत ५२.९६ को रहेको छ l
कसको औसत कति ?
| WicketNepal.com
ब्याट्सम्यान |
औसत | ||
| टेस्ट | एकदिवसीय | टि-२० | |
| बिराट कोहली | ५०.०३ | ५४.६८ | ५२.९६ |
| हासिम आम्ला | ४९.४३ | ५०.२५ | ३२.४२ |
| महेन्द्रसिंह धोनी | ३८.०९ | ५१.३२ | ३५.६१ |
| एबी डिभीलर्स | ५०.४६ | ५३.५५ | २५.८५ |
| जोए रुट | ५३.५७ | ४९.३७ | ४०.३३ |
| स्टिभ स्मिथ | ६१.०५ | ४४.२६ | २१.५५ |
| केन विलियमसन् | ५१.१६ | ४९.९८ | ३६.२९ |
दक्षिण अफ्रिकी ब्याट्सम्यान हासिम आमलाको औसत एकदिवसीयमा ५०.२५ रहे पनि टेस्टमा ४९.४३ र टि-२०मा ३२.४२ रहेको छ l यस्तै एबी डिभीलर्सको औसत टेस्टमा ५०.४६, एकदिवसीयमा ५३.५५ रहेको छ भने टि-२०मा २५.८५ मात्रै रहेको छ l अस्ट्रेलियन कप्तान स्टिभ स्मिथको औशत टेस्टमा ६१.०५ रहेपनि एकदिवसीयमा ४४.२६ र टि-२० मा २१.५५ रहेको छ l
यस्तै न्युजिल्याण्ड ब्याट्सम्यान केन विलियमसनको औसत टेस्टमा ५१.१६ रहेपनि एकदिवसीयमा ४९.९८ तथा टि-२० मा ३६.२९ मात्र रहेको छ l इंग्ल्याण्ड स्टार ब्याट्सम्यान जोए रुटको टेस्टमा औसत ५३.५७ छ भने एकदिवसीयमा ४९.३७ र टि-२०मा ४०.३३ रहेको छ l
२८ बर्षिय कोहलीले टेस्टमा १७ शतक सहित ४६०३ रन बनाएका छन् भने १८९ एकदिवसीयमा ८२५७ रन बनाउने क्रममा २८ शतक प्रहार गरिसकेका छन् l यस्तै ४९ वटा टि-२० शतक प्रहार गर्न नसकेका उनले १७४८ रन बनाएका छन् l
