- विकेटनेपाल, माघ २२ – मंगलबार
नेपालका विभिन्न घरेलु क्रिकेट लिगहरु खेल्न आउने विदेशी खेलाडीहरुले अनिवार्य रुपमा श्रम स्वीकृति लिनुपर्ने भएको छ।
श्रम तथा रोजगार मन्त्रालयले राष्ट्रिय खेलकुद परिषद् (राखेप) लाई पत्र लेखेर विदेशी खेलाडीहरुको अनिवार्य रुपमा श्रम सम्झौता भईसकेपछी मात्र घरेलु प्रतियोगितामा सहभागी गराउन अनुरोध गरेको छ। श्रम, रोजगार तथा सामाजिक सुरक्षा मन्त्रालय अन्तरगतको श्रम तथा ब्यबसायजन्य बिभागका शाखा अधिकृत कृष्णहरि न्यौपानेद्वारा हस्ताक्षर गरिएको पत्रमा राखेपलाई सम्पूर्ण खेलाडीहरुको श्रम सम्झौता रहे-नरहेको चेकजाँच गर्न भनिएको छ।
श्रम ऐन २०७४ तथा श्रम नियमावली २०७५ अनुसार विदेशी खेलाडीहरुले अनिवार्य रुपमा श्रम सम्झौता लिनुपर्ने तर यसअघि श्रम सम्झौता नलिएको पाइएको भन्दै प्रधानमन्त्री तथा मन्त्रिपरिषद्मा उजुरी परेपछि यस बिषयमा चासो दिइएको हो।
बिदेशी खेलाडीहरुलाई घरेलु क्रिकेटमा सहभागी गराउन प्रतियोगिताले समेत आइसीसीको अनुमति लिनुपर्छ भने खेलाडीहरु सहभागि हुन श्रम सम्झौता गर्नुपर्छ। श्रम सम्झौतापछी खेलाडीहरुले सरकारलाई नियमअनुसार कर तिर्नुपर्ने हुन्छ।
(Featured Image: moless.gov.np)