- विकेटनेपाल, माघ ३ – बुधबार
बंगलादेश, श्रीलंका र जिम्बावे बीच जारि त्रिकोणात्मक एकदिवसीय अन्तर्राष्ट्रिय शृंखला अन्तर्गतको दोश्रो खेलमा श्रीलंकालाई पराजित गर्दै जिम्बावे बिजयी भएको छ। शृंखलाको पहिलो खेलमा जिम्बावे आयोजक बंगलादेशसँग पराजित भएको थियो ।
शेर ए बंग्ला राष्ट्रिय मैदान मिरपुरमा सम्पन्न खेलमा टस हारेर पहिले ब्याटिंगको निम्तो पाएको जिम्बावेले ५० ओभरमा ६ विकेट गुमाउंदै २९० रन बनाएको थियो । जिम्बावेका लागि राम्रो सुरुवात दिने क्रममा ओपनर ह्यामिल्टन मासाकद्ज़ा र सोलोमोन मिरले पहिलो विकेटका लागी ७५ रनको साझेदारी गरे। मासाकद्ज़ाले ७३ ( ८३ बल, १० चौका ) तथा मिरले ३४ रन बनाए।
त्यसपछि लड्खडाएको जिम्बावेको पारीलाई सिकन्दर रजाले सम्हालेका थिए । शृंखलाको लगातार दोश्रो अर्धशतक प्रहार गर्ने क्रममा रजाले ६७ बलमा ८ चौका र १ छक्काका साथ अविजित ८१ रनको योगदान दिए । यस क्रममा उनले पाँचौ विकेटका लागि वालरसँग ५७ र छैठौ विकेटका लागि पिटर मोरसँग महत्पूर्ण ६१ रनको साझेदारी गरे।
बलिंगतर्फ श्रीलंकाका असेला गुनारत्नेले ३७ रन खर्चेर ३ विकेट हात पार्दा किफायती बलिंग गर्दै थिसारा पारेराले १० ओवरको स्पेलमा मात्र ४३ रन खर्चेर २ विकेट चट्काए । महँगो साबित सुरंगा लक्मलले भने ७० रन खर्चेर १ विकेट लिएका थिए।
चतराको उत्कृस्ट बलिंगमा थोरैले चुक्यो श्रीलंका
२९१ रनको लक्ष पछ्याउ उत्रिएको श्रीलंकाले ४८.१ ओभरमा सबै विकेट गुमाउदै २७८ रनमात्र बनाउन सक्यो र १२ रनले पराजित भयो ।
श्रीलंकाका लागि कुसल परेराले ८० रन बनाउन ८३ बलमा ८ चौका र २ छक्का प्रहार गरे भने थिसरा परेराले आक्रामक ६४ रन बनाउन ३७ बलमा ५ चौका र ३ छक्का प्रहार गरे। त्यस्तै एन्जेलो म्याथ्युज र दिनेश चण्डीमलले क्रमश: ४२ र ३४ रनको पारि खेले।
श्रीलंकाको आठौ विकेट गएपछि क्रिजमा थिसरा परेरा र असेला गुनारत्ने रहेका थिए तर रोमान्चक अवस्थामा पुगेको खेलमा परेरा आउट भएपछी खेलले मोड लिएको थियो।
जिम्बाबे बलर टन्डाई चतराले ४ विकेट लिन ३३ रन खर्चिए भने ग्रेम क्रिमर र क्याल जर्विसले समान २/२ विकेट हात पारे। खेलमा अविजित ८१ रन तथा १ विकेट सँगै २ वटा उत्कृस्ट क्याच लिएका सिकन्दर रजा म्यान अफ द म्याच घोषित भए ।
प्रतियोगिताको तेस्रो खेलमा शुक्रबार बंगलादेश र श्रीलंका खेल्नेछन्।
( फोटो र ग्राफिक्स – आईसीसी )
