काठमाडौं । १७ औं संस्करणको ईन्डियन प्रिमियर लिग(आइपीएल)को १२ औं खेलमा सनराईजर्स हैदराबादले गुजरात टाईटन्सलाई जितका लागि १ सय ६३ रनको लक्ष्य दिएको छ ।
गुजरातको घरेलु मैदानमा टस जितेर पहिले ब्याटिङ गरेको हैदराबादले निर्धारित २० ओभरमा ८ विकेट गुमाएर १ सय ६२ रन बनायो ।
हैदराबादका लागि अब्दुल समादले १४ बलमा ३ चौका र १ छक्काको सहयोगमा २९ रन बनाए । शाहबाज अहमदले २० बलमा १ चौका र १ छक्काको सहयोगमा २२ रन बनाए । समाद र अहमदले छैटौं विकेटका लागि ४५ रनको साझेदारी गरे ।
अभिषेक शर्माले २० बलमा २ चौका र २ छक्काको सहयोगमा २९ रन बनाए । हेनरिक केल्सनले १३ बलमा १ चौका र २ छक्काको सहयोगमा २४ तथा ऐडन माकरमले १९ बलमा १७ रन बनाए । ओपनर ट्राभिस हेडले १४ बलमा ३ चौकाको सहयोगमा १९ रन बनाए ।
गुजरातका लागि मोहित शर्माले ३ तथा राशिद खान, उमेश यादव, अजमतुल्लाह उमरजाई र नुर अहमदले समान १/१ विकेट लिए ।
गुजरात र हैदरावादले यस सिजन समान दुई दुई खेल खेलेकोमा एक एक खेल जित निकालेका छन् ।
गुजरातले पहिलो खेलमा चेन्नईविरुद्ध हार व्यहोरेको थियो । भने, दोस्रो खेलमा मुम्बईलाई पराजित गरेको थियो । त्यसैगरी हैदराबादले पहिलो खेलमा कोलकोता नाइट राइडर्ससँग हार व्यहोरेको थियो । भने, दोस्रो खेलमा मुम्बई इण्डियन्सलाई पराजित गरेको थियो ।
आइपीएल ईतिहासमा गुजरात र हैदराबाद तीन पटक आमने सामने भएका छन् । गुजरात दुई तथा हैदराबाद एक खेलमा विजयी भएको छ ।