काठमाडौं । १७ औं संस्करणको इन्डियन प्रिमियर लिग(आइपीएल)को ३७ औं खेलमा गुजरात टाईटन्स सामु पञ्जाब किंग्स १ सय ४२ रनमा अल आउट भएको छ ।
घरेलु मैदान मुल्लापुरमा टस जितेर पहिले ब्याटिङ गरेको पञ्जाबले २० औं ओभरको अन्तिम बलमा १ सय ४२ रनमा अल आउट भयो ।
पञ्जाबका लागि प्रभसिमरन सिंहले २१ बलमा सर्वाधिक ३५ तथा अर्का ओपनर तथा हरप्रित ब्रारले १२ बलमा ४ चौका र १ छक्काको सहयोगमा २९ रन बनाए ।
टोलीका कप्तान साम करनले १९ बलमा २० रन बनाए । जितेश शर्माले १२ बलमा १३ तथा हरप्रित सिंहले १९ बलमा १४ रन बनाए ।
गुजरातका लागि साइ किशोरले चार तथा मोहित शर्मा र नुर अहमदले समान दुई दुई विकेट लिए ।
यि दुई टोली यो संस्करणमा दोस्रो पटक आमनेसामने भएका हुन् । पहिलो भेटमा पञ्जाबले बाजी मारेको थियो ।
