डीएभीलाई सिरिज

• विकेटनेपाल, ३ भदौ 

डीएभी स्कुल र अपि स्कुल बीच आज सम्पन्न दोश्रो मैत्रीपूर्ण महिला क्रिकेट सिरिज डीएभी स्कुलले २-१ ले जितेको छ l

डीएभी स्कुल जावलाखेल मैदानमा सम्पन्न सिरिजको पहिलो २ खेल डीएभी र तेश्रो खेल अपी स्कुलले जितेको हो l यसभन्दा अघि दुवै बीच भएको पहिलो सिरिज १-१ को बराबरीमा टुंगिएको थियो l

आज सम्पन्न पहिलो खेलमा टस जितेर ब्याटिंग गरेको डीएभीले निर्धारित १२ ओभरमा ४ विकेट गुमाई १७८ रन बनाएको थियो l जवाफमा दोश्रो इनिंगमा अपि स्कुलले पुरै १२ ओभर ब्याटिंग गर्दै ३ विकेट गुमाई १३५ रन मात्रै बनाउन सकेपछि डीएभी ४३ रनले बिजयी भएको थियो l

डीएभीको लागि प्लेयर अफ द म्याच समेत चुनिएकी विश्वकर्माले सर्बाधिक ५२ तथा साधना सिंहले ४८ रनको योगदान दिईन् l एपीआई बलर खुसि डंगोलले २ विकेट हात पारिन् l दोश्रो इनिंगमा सुनिमा डंगोलले ३६ तथा खुसि डंगोलले ३२ रन योगदान दिईन् l डीएभी बलर अनामिका अग्रवाल एक्लैले ३ विकेट हात पारिन् l

दोश्रो खेलमा पनि डीएभी २८ रनले बिजयी भयो l टस जितेर ब्याटिंग गरेको डीएभीले निर्धारित १० ओभरमा १६३/२ को स्कोर खडा गरेको थियो l स्नेहा बंगले ४६ तथा रीतिका शर्माले ४० रनको योगदान दिएकी थिईन् l

१६४ रनको लक्ष पछ्याउने क्रममा अपिले १० ओभरमा १ विकेट गुमाई १३५ रन मात्रै बनाउन सकेको थियो l अपिको लागि खुसि डंगोल एक्लैले ७१ रन योगदान दिएपनि जितको लागि पर्याप्त हुन सकेको थिएन l

तेश्रो तथा अन्तिम खेलमा एपीआईले टस जितेर ब्याटिंग गर्दै निर्धारित १० ओभरमा १४१/२ को स्कोर बनाएको थियो l अपिको लागि निकिता मिश्राले ७८ रन तथा खुसि डंगोलले ३७ रन योगदान दिएकी थिईन् l

जवाफमा डीएभीले १० ओभर ४ विकेट गुमाई १२७ रन मात्रै बनाउन सक्यो l रीतिका शर्माले ३२ रन योगदान दिईन् भने अपि बलर रश्मि देबकोटाले २ विकेट हात पारिन् l

सिरिजको उत्कृस्ट खेलाडी अपि स्कुलकी खुसि डंगोल घोषित भईन् जसले ट्रफी र सर्टिफिकेट् प्राप्त गरिन् l