काठमाडौँ । रोयल च्यालेन्जर्स बैंगलुरु इन्डियन प्रिमियर लिग -आईपीएल_ काे फाइनलमा प्रवेश गरेकाे छ।
विहिबार राति सम्पन्न पहिलो क्वालिफायरमा पञ्जाव किंग्सलाई ८ विकेटले पराजित गर्दै बैंगलुरु फाइनलमा पुगेको हो।
पञ्जावले प्रस्तुत गरेकाे १०२ रनको लक्ष्य पछाएको बैंगलुरुले १० ओभरमा २ विकेट गुमाउँदै पूरा गर्याे।
बैंगलुरुका लागि फिल साल्टले सर्वाधिक अविजित ५६ रन बनाए भने मयंक अग्रवालले १९, कप्तान रजत पाटीदारले अविजित १५ र विराट कोहलीले १२ रन बनाए ।
याेसँगै बैंगलुरु चौथो पटक आईपीएलकाे फाइनलमा पुगेको छ। यसअघि बैंगलुरु २००९, २०११ र २०१६ मा फाइनलमा पुगेर पराजित भएको थियो।
याे हारसँगै बेहोरेको पञ्जावले भने अब दोस्रो क्वालिफायर खेल्ने अवसर पाउने छ। दोस्रो क्वालिफायरमा पञ्जावले इलिमिनेटरमा गुजरात टाइटन्स र मुम्बई इण्डियन्सबीचको विजेतासँग खेल्ने छ।