काठमाडौं । १७ औं संस्करणको ईण्डियन प्रिमियर लिग (आइपिएल) को ३१ औं खेलमा कोलकाता नाइटराईडर्स र राजस्थान रोयल्सबीच खेल हुँदै छ।
कोलकाताको घरेलु मैदान इडन ग्राडेन क्रिकेट स्टेडियममा हुने खेल नेपाली समय अनुसार बेलुका पौने ८ बजेदेखि शुरु हुनेछ।
छ खेलमा पाँचमा जित तथा एकमा हार व्यहोरेको राजस्थान शीर्ष स्थानमा छ । उता, कोलकाता पाँच खेलमा चारमा जित र एकमा हार सहित दोस्रो स्थानमा छ । आजको खेलमा राजस्थानलाई पराजित गरि कोलकाता शीर्ष स्थानमा उक्लिने लक्ष्यमा छ । कोलकातालाई हराउँदै राजस्थान पनि शीर्ष स्थानमा कायमै रहन चाहान्छ ।
आइपीएल ईतिहासमा हालसम्म यि दुई टोलीबीच २८ खेल भएकामा कोलकाता १४ खेलमा विजयी हुँदा १३ खेल राजस्थानले जितेको छ । एक खेल भने नतिजा बिना नै सकिएको थियो ।
यस लिगमा १० टोलीको सहभागीता रहेको छ ।