काठमाडौं । विल ज्याक्सको शतकीय इनिङको सहयोगमा १७ औं संस्करणको इन्डियन प्रिमियर लिग(आईपीएल) को ४५ औं खेलमा रोयल च्यालेनजर्स बेंगलूरुले लगातार दोस्रो जित दर्ता गरेको छ । आइतबारको पहिलो खेलमा बेंगलुरुले गुजरात टाईटन्स माथि ९ विकेटको फराकिलो जित दर्ता गरेको हो ।
गुजरातले दिएको २सय १ रनको लक्ष्य बेंगलुरुले १६ ओभरमा १ विकेट गुमाएर भेटायो ।
बेंगलुरुका लागि ज्याक्सले ४१ बलमा ५ चौका र १० छक्का प्रहार गर्दै १०० रनको शतकीय ईनिङ खेले । विराट कोहलीले ४४ बलमा ६ चौका र ३ छक्का सहित ७० रन जोडे ।
गुजरातका लागि साई किशोर एक विकेट लिए ।
त्यसअघि टस हारेर पहिले ब्याटिङ गरेको गुजरातले २० ओभरमा ३ विकेटको क्षतिमा २ सय रन बनायो ।
गुजरातका लागि साई सुदर्शनले ४९ बलमा ८ चौका र ४ छक्का सहित ८४ रनको अर्धशतकीय ईनिङ खेले । शाहरुख खानले ३० बलमा ५८ तथा डेभिड मिलरले २६ रन बनाए ।
बेंगलुरुका लागि स्वप्निल सिंह, मोहम्मद सिराज र ग्लेन म्याक्सवेलले समान एक एक विकेट लिए ।
दश खेलमा तेस्रो जित हात पारेको बेंगलुरु ६ अंक सहित पुछारमा यथावत छ । दश खेलमा ८ अंक सहित गुजरात सातौं स्थानमा छ ।