टी-२० विश्वकपका लागि इंग्ल्यान्डको टोली घोषणा

काठमाडौं । जोफ्रा आर्चरलाई समट्दै आगामी जुनमा अमेरिका र वेस्ट इन्डिजमा संयुक्त रुपमा आयोजना हुने टी-२० विश्वकपका लागि इंग्ल्यान्डको टोली घोषणा भएको छ ।

मंगलबार जोस बटलरको कप्तानीमा १५ सदस्यीय इंग्ल्यान्डको टोली घोषणा भएको हो । सन् २०२४ मा हुने आइसिसी पुरुष टी–२० विश्वकपका लागि इंग्ल्यान्डको टोलीमा जोफ्रा आर्चरलाई समावेश गरिएको छ ।

इङ्ल्यान्डका लागि उनले मे २०२३ मा अन्तिम पटक खेलेका थिए । त्यसपछि, उनी चोटका कारण लगभग १२ महिनासम्म टिम बाहिररहेका थिए ।

विश्वकपमा इंग्ल्यान्ड विश्वकपमा समूह बी मा रहेको छ । समूह बी मा इंग्ल्यान्डका अलावा अष्ट्रेलिया, नामिबिया, स्कटल्यान्ड र ओमान छन् । ४ जुनमा स्कटल्यान्डसँग खेल्दै इंग्ल्यान्डले विश्वकपको सुरुआत गर्नेछ ।

इंग्ल्यान्डको टिम

जोस बटलर (कप्तान), मोईन अली, जोफ्रा आर्चर, जोनी बेयरस्टो, हेरी ब्रुक, साम करन, बेन डकेट, टोम हार्टले, विल जैक्स, क्रिस जोर्डन, लियाम लिविंगस्टोन, आदिल राशिद, फिल साल्ट, रीस टोपली, मार्क वुड ।

Related Posts

Leave a Reply

© 2026 WicketNepal - WordPress Theme by WPEnjoy