काठमाडौं । ओपनर ट्राभिस हेडको शतकको सहयोगमा सनराईजर्स हैदराबादले रोयल च्यालेन्जर्स बेंगलुरुलाई २ सय ८८ रनको लक्ष्य दिएको छ ।
हैदराबादले इन्डियन प्रिमियर लिग (आइपीएल)को इतिहासको सबैभन्दा ठूलो योगफल बनाएको छ । यसअघि यसै सिजनमा मुम्बई इन्डियन्ससँग हैदराबादले नै बनाएको २ सय ७७ रनको योगफल बनाएको थियो ।
बेंगलुरुको घरेलु मैदान एम चेन्नास्वामीमा टस हारेर पहिले ब्याटिङ गरेको पाहुना टोली हैदराबादले निर्धारित २० ओभरमा ३ विकेट गुमाएर २ सय ८७ रन बनायो ।
हैदराबादका लागि ट्राभिस हेडले ४१ बलमा ९ चौका र ८ छक्काको सहयोगमा १ सय २ रनको शतकीय ईनिङ खेले । हेनरिक क्लासनले ३१ बलमा २ चौका र ७ छक्कको सहयोगमा ६७ रनको अर्धशतकीय ईनिङ खेले ।
दोस्रो विकेटका लागि क्लासन र हेडले २६ बलमा ५७ रन बनाए । ओपनर अभिसेक शर्माले २२ बलमा २ चौका र २ छक्काको सहयोगमा ३४ रन बनाए । पहिलो विकेटका लागि हेड र शर्माले ४९ बलमा १ सय ८ रनको शतकीय साझेदारी गर्दै टोलीलाई विष्फोटक सुरुआत गरेका थिए ।
एडेन माकरमले १७ बलमा २ चौका र २ छक्काको सहयोगमा अविजित ३२ रन बनाए । मारक्रम र क्लासेनले तेस्रो विकेटका लागि ६८ रनको साझेदारी गरेका थिए ।
अब्दुल समादले १० बलमा ४ चौका र ३ छक्काको सहयोगमा अविजित ३७ रन बनाए । मारक्रम र समादले चौथो विकेटका लागि अविजित ५६ रनको साझदारी गरे ।
हैदराबादले यस ईनिङमा १९ चौका र २२ छक्का प्रहार भएको थियो ।
बेंगलुरुका लागि लकि फर्गुसनले दुई तथा रिच टोप्ली एक विकेट लिए ।